التمتيل يحبلـُه التقافه واللي موش متّقف ما ينجمش يمتّل...

الدويرات بصفة عامة، اللي كبروا في الدويرات بالخصوص واللي ما تمدرسوش وما خالطوش الغير الناطقين باللهجة متاعهم في صغرتهم، عندهم "ديفو" في نطق الحروف اللي اللسان يلزمه يتعدّى ما بين السنين، يحب يقول: الثاء والذل والضاد والظاء. هالحروف ما هياش منطوقة في الكلام الأمازيغي متاعنا، وكيف يعرضونا في الكلام بالعربي سواء كان فصحى والا دارجة يولليوا يتنطقوا تاء للثاء ودال للذال ودا مفخمة بالنسبة للضاد والا للظاء، الحاصل كيفنا كيف المهدوية اللي البعض يبداوا يستهزاوا من نطقهم ويقولولهم: تلاتة وتلاتين والا توم والا دبع والا تمتال وغيرها من التمقعيرات.

هالحديث جبدته باش نفسر شوية عنوان هالخرافة اللي ترجع لآخر الستينات، وقتها كنَّا ننشطوا في شعبة المدينة الدستورية في ما كان يتسمَّى وقتها مكتب الشباب، من الجملة عندنا مجموعة متاع مالوف ومتاع مسرح. وكان المسؤول على الشباب دويري متاعنا، وبرغم اللي أنا متأكد أنه من مواليد تونس وكبر في المدينة ومع أولاد نهج الباشا ونهج المقطع وصباط الظلام، ما نجمش يتخلـّص من اللكنة متاعه بخصوص نطق الثاء والذل والضاد والظاء. كان باش يتخلـَّص من المتطفلين على مجموعة المسرح يقول هالجملة اللي عنونت بيه حديثي، هالجملة اللي قعدنا نتدندروا بيها سنوات طويلة واللي أصحابنا من غير الناطقين باللهجة الدويرية ما يفهموهاش رغم التفسيرات اللي نعطيوهالهم.

محل الشاهد هالمسؤول هذا عدة مرات يشدوه الجماعة يحاججوا فيه باش يفسر العلاقة بين التمثيل والثقافة ويطالبوه باش يعطيهم تعريفه للثقافة ترصيله واحل وحلة هي بيدها، وهوما في الواقع كانوا يحبوا يبلعوه في الكلام اللي فيه هالحروف اللي نطقهم يلزم اللسان يتعدى فيهم بين السنِّين باش يعملوا ضحكة.

المسألة يمكن تظهر حولة والا ما فيها حتى شيء اليوم، أمَّا هي مهمة ياسر وعندها مدة وهي تطبخ في مخي، وكملت خرجتهالي صديقة فايسبوكية نحترمها برشة على مقارباتها " الغريبة" والغير مألوفة كيف قالتلي بالحرف الواحد بخصوص تسميتنا " ثقافة شعبية" اللي كلمة "ثقافة" مشحونة فوق اللازم (Trop connoté)، ولقيت اللي الملاحظة متاعها ضربت في الصميم متاع الإشكاليات الأساسية والمصيرية في بلداننا واللي لتوة ما حبيناش نواجهوها ممكن عن جهل وعمى وصماء، ممكن عن هروب من الواقع اللي احنا عاجزين باش نتعاملوا معاه وممكن ياسر عن رفض لا واعي وترف فكري يخللينا نرضاوا بمجمل تهيؤات اللي أحنا بالمجد دخلنا في زمن الحداثة بالضبط كيفنا كيف بقية البشرية الغربية....

لوكان نقوموا باستطلاع رأي على شريحة ممثلة للمجتمع التونسي  بكل المقاييس ويكون فيها السؤالا ت المطروحة:

-         أشنية الثقافة بالنسبة ليك؟

-         ولاش تصلح في الدنيا متاعك اليوم؟

-         وآشكون المثقف وآش بعمل؟

أنا متأكد اللي باش تكون عندما نتائج مذهلة وتبعبص المخ متاع اللي يخططوا ويعملوا في السياسة والاستشراف والاستراتيجيات المستقبلية، كان عندهم امخاخ يفكروا بيها.

ومسألة الثقافة ما هيش هي محور القضية وماهي كان جزء من قضية أكبر اللي هي تبليعتنا كدول وشعوب في تصور بائس يخلِّينا جيل بعد جيل واحنا طامعين في الخروج من "التخلف" واللحاق بركب الدول "الصكاندينافية" كاينني التخلف "كارثة" في وقت اللي دخولنا في الجري وراء السراب الواهي متاع "الحداثة" المحاكي واللي مبني على "التفسكية" هو الكارثة،( ونلوموا على اللي يعديوا في الباك) . وكاينِّي أحنا موش ناقصين تقليد ومحاكاة وتفسكية، زادوا جاونا جماعة تقليد منظومة قالوا هي المنظومة الأسلم على خاطر متاع "سيدنا" وجربها في القرن الأول هجري وثبتت صلوحيتها لأي زمان وأي مكان...

في نهاية الأمر، نخبنا سواء كانوا حداثيين والا محافظين بكل عبارة على نفس العملة الفالصو والمبنية على التفسكية والتنقيل على موديلوات من عالم آخر ما عنده حتى علاقة بهالبلاد وبهالمجتمع وبتسلسل تاريخه وما انتجته تجربته الطويلة،  هالتجربة وهالمعارف في كل جوانب حياة النَّاس عند النخبة ما تسوى حتى شيء ومحقورة وموش ممكن اعتمادها لبنيان مستقبل البلاد... وتتواصل القطيعة اللي سادت في القرون الفايتة بين النخب وبين الناس، ويتواصل التجاهل المتبادل بين "الخاصة" (واللي هوما خصاص عقل) والعامة اللي هوما يمَشِّيوا في البلاد من فلاحتها لبنيها لمعمارها لفنها ولغناها وشعرها وخيالها اللي مهما كان متجاهل هو اللي يبقى لأجيال وأجيال.

Malta el hanina sbiha we banina

 

المالطية ،كانو جزء من ذاكرة البلاد وتاريخها من القرون الغابرة كيفهم كيف برشة أقلـّيات اللي لقاو بلاصتهم في بلادنا، عندهم صنايع معروفين بيها، البعض منهم طواحنية في بعض الجهات و اللي خلطنا عليهم في صغرنا كانوا كرارسية لانهم مولوعين بالخيل يعرفوا يسوسوهم ويدبوهم ويربيوهم. المالطية تخلطو مع امالي البلاد برغم اللي قعدو على دينهم و كانو جزء من فسيفساء التنوع اللي كانت عليها تونس من الزمان القديم و لا ثمة وقتها لا حكاية التسامح و لا غناية تناحر الديانات ، الأمور بطبيعتها. فقدان تونس لها الأقليات خسارة كبيرة لأنها حلت الباب للتنميط متاع المجتمع و عدم قبول الآخر و الاختلاف.
الحاصل موش هذا موضوع كلامي ياما حديث يجبد حديث. كنت نحوس في المواقع و المدونات الغير التونسية فاكتشفت المدونات المالطية حقيقة اكتشاف ممتع، حبيت تتقاسمو معايا ها اللغة اللي فيها برشة من لوغتنا الدارجة عن طريق ترجمة لقصيد متاع بودلار، و باش نسهل على القراء الترجمة المالطية كتبتها بالحروف العربية نتمنى تعجبكم.

Iskru!

Enivrez-Vous

Enivrez-Vous

Il faut être toujours ivre.

Tout est là:

C’est l'unique question.

Pour ne pas sentir

L’horrible fardeau du Temps

qui brise vos épaules

Et vous penche vers la terre,

Il faut vous enivrer sans trêve.

Mais de quoi?

De vin, de poésie, ou de vertu, à votre guise.

Mais enivrez-vous.

Et si quelquefois,

Sur les marches d'un palais,

Sur l'herbe verte d'un fossé,

Dans la solitude morne de votre chambre,

Vous vous réveillez,

L’ivresse déjà diminuée ou disparue,

Demandez au vent,

À la vague,

À l'étoile,

À l'oiseau,

À l'horloge,

À tout ce qui fuit,

À tout ce qui gémit,

À tout ce qui roule,

À tout ce qui chante,

À tout ce qui parle,

Demandez quelle heure il est ;

Et le vent,

La vague,

L’étoile,

L’oiseau,

l'horloge,

Vous répondront :

"Il est l'heure de s’enivrer !

Pour n'être pas les esclaves martyrisés du Temps,

Enivrez-vous ;

Enivrez-vous sans cesse !

De vin, de poésie ou de vertu, à votre guise."

Charles Baudelaire

* * * * * * * * * *

Iskru!

Iskru!

Jeħtieġ li nkunu dejjem sakrana!

Dan kollox:

dan hu l-uniku kmandament!

Biex ma tħossux

it-toqla waħxija tal-Ħin

tbenġlilkom spallejkom

u tidħankom dqiq ma' l-art,

tridu tiddamdmu bla heda.

Imma xurbana biex?

Bl-inbid, bil-poeżija, jew bil-virtù, biex tridu.

Imbasta tiskru.

U jekk,

- fuq it-turġien ta' xi palazz

fuq il-ħaxix ħadrani ta' xi ħandaq

fis-solitudni miżerabbli ta' kamritkom -

qatt xi darba tistenbħu,

inqas fis-sakra jew inkella f'sensikom,

staqsu waħda lir-riħ,

lill-mewġa,

lill-kewkba,

lill-għasfur,

lill-arloġġ,

lil kull ma jbewweġ,

lil kull ma jwaħwaħ,

lil kull ma jitkagħweġ,

lil kull ma jgħanni,

lil kull ma jpaċpaċ:

x'ħin huwa;

u r-riħ,

il-mewġa,

il-kewkba,

l-għasfur,

l-arloġġ,

iwiġbukom:

"Din hija sigħet is-sakra!

Biex ma tkunux ilsiera mmartirizzati tal-Ħin,

iskru;

iskru fuq li tiskru!

Bl-inbid, bil-poeżija, jew bil-virtù, biex tridu!"

Kevin Saliba

إسكرو
إسكرو
يحتاج لي نكونو دايم سكرانا
دان كلـّش
دان الونيكو كومندمان
باش ما تحسش
التقلة وحشية تاع لحين
تبنقللكم سباليكم
و تدحنكم دقيق مع لارض
تريدو تدمدمو بلا هدا
إمـّا شربنا باش؟
بالنبيد بالبويزية بالفرتو باش تريدو
امباسطة تسكرو
و إيـاك
فوق الترجان (م)تاع شي بالاص
فوق الحشيش خضراني (م)تاع شي خندق
في الصوليتودني ميزيرابلي (م)تاع كامرتكم
قات شي دربة تستنبهو
ينقص في السكرة أو ينقللة ف سكرتكم
استاقصو وخدة للريح
للموجة
للكوكبة
للعصفور
للأرلوج
للكل ما يبوّج
للكل ما يوحوح
للكل ما يتعوج
للكل مل يغنـّي
للكل ما يبشبش
(آ)ش حين هو
والريح
الموجة
الكوكبة
العصفور
الأرلوج
يجاوبوكم:
دين هي ساعة السكرة!"
باش ما تكونوش السيرة مارتيريزاتي(م)تاع الحين
إسكرو
إسكرو فوق اللي تسكرو
بل انبيد، بالبويزية، وبالفرتو، باش تريدو !"المصدر: هنا