وتتبقَّى فيها كان المناصب والحطب

تونس تستانس وتنسى تنسى تنسى
وقلبك عليك ما يقسى
وعلى الجمر تمشي عفسة وراء عفسة
وعلاش يا مخلوق تتكدَّر وتقرن العبسة
يموت اللي يموت ثلاثة والا خمسة
علاش تقتلنا بالغصة والحمصة
تونس تستانس وتنسى
وقلبك يقسى
لا يرجع قاتل على مقتول
ولا سارق على مسروق
ولا هاتك على مهتوك
خللِّي عرب تسحق عرب
وتتبقَّى فيها كان المناصب والحطب

ْالصَّحَافَة والصَّحْفَجِيَّة شَادِينَّا بالشـْكِيمَة والعقَال

أغلبهم كان موش الكل من فصيلة الله ينصر من صبح، ديمة مع الوقف حتى إذا كان بغل. طول حياتهم عدَّاوها يمجدو في الحاكم من العهد البورقيبي الغابر وربما فيهم اللي ما زالو يثبتو على "فرانسا أمنا الحنينة" وسيدنا صاحب العرش الحسيني.
طول حياتهم يكتبو عكنسي... وهوما في الواقع كيف هاك الصَّيادة في البحر اللي يخبطو في الماء بالمقادف باش الحوت يجفل و يدخل طول في بيت الغزل. مناشر، رابحين مع الرابحين ورابحين مع الخاسرين، ما يركبو كان الموجة الرابحة، ساعات يظهرلك اللي كيف يحربوها بالفضايح اللي هوما يصليو على طرفهم، في وقت اللي هوما يخدمو في الناس اللي يستفيدو من الفضايح على خاطر تكبرلهم أساميهم. ساعات يظهرلنا وقت اللي يعملو فيها بطولات وعنترية على بعض الكرز تجد علينا الحكاية... حتى كان ما جدتش على البعض منا اللي حاسبين رواحنا فاهمينلها، المؤكد أنه تجد على العوام اللي يقراو صحف بودورو ما بين محطة ومحطة في الميترو والا في التران والا على كنتوار قهوة وغينيهم مدهشرة بالنوم وبالتعب، والا في وقت الفطور في حانوت أكلة خفيفة والا ريسطوران بالبونوات... هالناس قادرين يهبطو خبر يقولو فيه اللي أمك تخدم في غسلان الفلوس المسخة مع شبكة فلان وعلان يمكن ياسر تصدق الخبر وقت اللي تعرف اللي أمك ربما تكون في حاجة باش تغمل فركة صابون في بعض الديار باش تخلص ورقة الضو والا الكراء...
ثمة منهم ناس يخدمو بالنيابة لحساب ناس أخرين اللي ما عندهمش الوقت باش يكسرو فلان والا يوسخو فلتان، والا يدوروها بنفسو غليك انت الزوالي اللي ما تنجمش تطاول على فلان يظهرولك اللي هوما ينجمو يعملوه في بقعتك على خاطر لقمة العيش ما تخليلكش الوقت والا القوة والا تخاف باش تحطها في خطر كي تحل فمك... يلعبوها عليك وتقول بينك وبين روحك: "يرحم الجوف اللي تخبطو فيها كيف عملوها في بلاصتي" منها تتنفس ومنها ينحيو فتيل الغضب اللي سكن في جوجيك، كيف اللي انت ناقص...الناس اللي اللي كيفك وربما كيفي والا أقل مني ومنك اللي أحلامهم تقصفت وطموحاتهم تخضات، يجعلهاش تنجم تسرق سويعات نوم باش تنجم تواجه غدوة تخمم في الحليب المقطوع ودبابز القاز اللي مارشي نوار وفاتورا الكراء والماء والضوء والسخط المسخط منين باش يخلقوه الحلم؟؟؟؟ قبل ما يحطو ريوسهم للمخدة، يضربو هاك الحربوشة المنومة من صحيفة بودورو اللي حبروها أصحاب الكشط بأنواعها تهبط على قلوبهم وامخاخهم كي البنج المعسل، زيد يعمل دورة على أخبار الدعارة والسب والشتم وريق الكوارجية والبعض من العنتريات بوبلاش مكفنين بكوش ديمقراطية وحقوق انسان على تأسيسي على حرية تغبير في بلاد هي السباقة في ناريخ الثورات العربية... وهكاكة تكمل زريقة البنج اللي تمحي هموم ابنادم و تهديلو توتير أعصابه ادرجة أنه ينسى واجباتو البيولوجية مع حرمه المصون وقاله: انت تخزرلي وآنا ما ناكلك يا طجين الحوت... وغدة يفرجها اللي ما ينام الليل.
كي تجي تشوف في نهاية الآمر اللي النص والا الثلثين متاع الناس كانو ماذابيهم أن الأمور تتبدل باش يكسرو القلق والروتين اللي استقر أكثر من اللازم، المجانين اللي قامو في هبلة ليالي البيض غام ناول هالزمان في نهاية ألمر حفنة ما تفوتش المليون كان طارت كي نجمعوهم مدينة مدينة قرية قرية زنقة زنقة...أغلبية الناس كانو يستناو تتبدل الوجوه فيقورات جديدة هاي جات... الباقي، الصحايف الصفراء توة تتكفل بيه، توة نعيط، تخمم، تتغشش كان لزم في بلاصتهم، و في الواقع هي تضحك عليهم وعلينا حتى منا لوقت ما تجي الانتخابات الجاية بعد عام والا عشرة والا ممكن ياسر ما تجيش، الصحافة والصحفاجية مكتوبة على الورق والا افتراضية مسموعة والا مرئية قالنلنا إيدكم لريوسكم ما تهزوهاش، ابقاو في نومكم وغالمكم الافتراضي وزيدو ارقدو واشخرو في الظلمة. هوما يفصلولنا واحنا نلبسو اللي عجبو عجبو واللي ما عجبوش يطير قرنو.
.

قالك.... ههههه..... من يبغي وطنه

من يبغي وطـْنَه

يُصْبُرْ عَلْ الآدراك

ويلوي عَلْ بطنَه

***

هكة غنُّو جدودنا

والوقت صعيب

بين جور البايات ومعصار المستعمر

هاك الوقت مشى راح اتعدى وفات

نسانا ونسيناه

.. وتوة يلزم ننسى ... إنسى

قالك ...

ههههه

من يبغي وطنه ،

ههههه

زعمة يجد عليك

مازال اشكون يلوي عل بطنه

إنسى إنسى

ما ريت اليوم كان اللي يعبي في بطنه

لُوفَّام المحلولة ووجوه الممدودة

وحسابات الشيخ والشابة الخندودة

عينيهم تتغامز وشفايفهم تتهامس

ثمة حنك معاك ،

ثمة شوية لية ،

ثمة فَكرة ذايبة مع سلتة قروية

كرارز وكرعين كوارع ومسالين

قالك ....

يلوي عل بطنة

ههههه

جد عليك كلامهم العيشة خبز وماء نعرفش اشتوة

و نصبر عل الآدراك

ههههه

ما نصبر عل الآدراك ولا نلوُا عل البطن

الثنايا نقصوها والسكة نفكوها

ومن بعد يجرى اللي يجرى

واللي ما عجبوش...

ههههه

دار الخلاء من قبل معروف....

صابتها لفت وحليب الدجاجة

واللي عنده عشق للوطن

يفسي على البحر يخليه

يثوّر فيه العجاجة

Lettre ouverte à notre tout nouveau ministre de l'intérieur

Nawel Skandrani, samedi 29 janvier 2011, 00:41

Ce soir, entre les évènements graves qui se déroulent en Egypte et ce qui s'est passé cet après-midi à Tunis, mon coeur balance.

Je suis très perplexe, triste et en colère du premier signe de ce tout nouveau gouvernement provisoire.

Nous attendions tous un signe certes fort, mais humain, respectueux, démocratique et proche du peuple.

Que nous a offert notre tout nouveau ministre de l'intérieur: mêmes techniques, même aveuglement.

Pourquoi, Monsieur le Ministre de l'Intérieur n'avez vous pas simplement trouvé un moyen citoyen et proche des gens pour faire votre travail?

Est-il si compliqué de COMMUNIQUER?

Vous rendez-vous compte que vous créez, avec les débordements injustifiés de votre police, un nouveau malentendu, qui risque de s'inscrire dans l'imaginaire populaire et dont les conséquences, à long terme, risquent de nouveau de créer des dissensions et des tensions inutiles entre nos enfants?

Pourquoi avoir confisquer la joie de ceux qui ont payé de leurs vies?

Pourquoi creuser encore plus le fossé entre les diverses couches de la population, en aggravant la notion des "nantis éduqués bourgeois" et "les pauvres non-éduqués prolétaires et paysans"?

Fallait-il vraiment vous précipiter?

Et laisser faire votre police, qui finalement n'est, dans son comportement et son éducation citoyenne que ce qu'elle était il y a à peine un mois?

Faut-il avoir fait de "grandes écoles" pour faire de telles erreurs de jugement?

Je ne comprends pas et vous m'avez confisqué, comme surtout à toutes ces personnes, la joie de penser qu'une page de cette révolution exceptionnelle puisse se tourner dans la quiétude, afin de pouvoir aborder avec une belle énergie le chantier qui attend tout un chacun.

Je pense, Monsieur le Ministre, que vous n'avez pas de quoi être fier de votre premier jour de prise de fonction!

قدَّاش، قدَّاش؟

قدَّاش يلزم من أجراح

قدَّاش من ضحايا في اكفانهم

قدَّاش من أتراح

قدَّاش من مواجع يحمل هالوطن

باش ترضو يا نُكـَّار، يا ريوس النعامة

يا زارعين الشوك

على مسرب السلامة

و مرتع اليمامة

يا مكسرين اقلالنا

وقلوبنا عطاشا

ونسيم الأمل تلاشى

---

قدَّاش يلزم من أمل منكوب

وقدَّاش من حلم مصلوب

ومن عشق بحبل القهر مغلوب

و قدَّاش من نبتة فكرة

كانت نطفة فتقت في عقولنا

نرمي عليها اللعنة

ونمنع عليها النعمة

ونغُمّها بذايب الرصاص؟

وقدَّاش يلزم من فحل فنَّان

لمعة خاطفة تنقصف

بالغصب، بالظلم، بتنغيص الحياة

بقطع النفس بلا حس

بالجوع بالحقرة والعبرة

والعيشة المرة؟

قدَّاش، قدَّاش؟

لتو ما شبعتو؟

لتو مامتلت بطونكم وبشمتو؟

قد ما ملينا القصعة

واصباعكم ما لحستو.

***

آه يا قلب مذا تتحمل

آه يا عين مذا تتأمل

و يا روح الحرة

زعمة قدَّاش من زفرة

ومذا يلزم نتحمل

من حرقة وحرارة دمعة

ويا روحي مذا يلزمني من خفقة

وترنيمة وترين وشهقة

باش وطني يزيان و يبقى

***