كبما يقولو و ما الحب إلا للحبيب الأول رجعت لإعادة بناء خيل وليل على بلوقر بنشر بعض الأرشبف و مساهمات جديدة ، برغم اللي الوقت ما عاد الوقت و العملية التدوينية ولات فبها و عليها أمَّا دودة الكتيبة تبقى حية و هذاكة هو المهم.
صفراء تتجلـّى
صفراء و متعممة ببياض
حزّارها مغتاظ
صايل علينا لا شفق لا راض
***
صفراء تشعشع في جسمها حبب
باردة و تبرد و ساكنة الاضلال
حزّارها متغلين بالفاظ تلتهب
بصوارمه يتهدد ناوي على القتال
لا ذاق منها لذة و لا حلم لا تعب
لا غدى في عمره من حبها و الحال
***
صفراء متعممة بالزبد و الرغاوي
متلحفة حـِرَام و خيوط من ذهب
ميزانها مربع مسدس مع رهاوي
رملها و الماية و حجاز منطرب
بشمس العشية تضوي و باوتارها تخاوي
نغماتها حسيني و آهاتها طرب
***
صفراء وناش عرقها يروي ضما خليلي
ما بين همس و نغمة و بسمات ناعمة
نورها متوهج و خجلاتها شعيلي
تنسكب بحنانة و عيون ساهمة
زندها عل زندي و تقول يا خليلي
ضُمْنِي عل صدرك بهواك حالمة
بالناب نهدي وشـّم و اكبح جماح خيلي
و لا تخللي غُصْنِي في حُرْقة الضماء
