Installation de sonya naufrage
كلمات لبنت المهدية
يقول المنصف الباي الغشام :
نسرح نجيب مرجان مالبحر العالي...
بعد كل دخلة ليك عند خيل و ليل
تبقى العتبة و سنابك الخيل
مغمومة بالزيد و بالرغاوي
ريحة طياب البحر تبقى عالقة
عالحيوط و البيبان
ساعات نحس الريح سماوي
و ساعات يجيني شرش و مرة على مرة برَّاني
و ياما لا نهار زدم علينا شلوق متاع أينار
خلِّيك على حنك و رهافة احساسك
في زينتك و ألوانك قريبة لاهلك و ناسك
و البسنا في خيالك قمجَّة طوالي
و كون كي الفنار تضوي الشطوط و البحر العالي
و مرسى هادية تروحلها الشقوفات المليانة
سخاء و عِزْ و برشة محبة و حنانة
و املا قلوب الصغار و الكبار
بما في وجدانك من دنيا زاهية مزيانة و فرحانة.
