صباح زرقت فيه شمس جديدة

صباح زرقت فيه الشمس ببسمة

كيف العادة
أمَّا ضحكتها وقادة
وزيد حنانتها ودَّادة
للولآدة
وزين بلادَه
صباح صبح ضاحك متزنهر
شباب مزنبر
ضاحك باشش يخزر يقحر
يغمز من تحت الغنبوز
شباب صبية ومعاه عزوز
الكل تحوز ضحكة وبسمة
مشات الغمّة
البوس يجوز
الحب يجوز
إضحك زغرط يا فيروز
*****

صباح زرقت فيه شمس بومية
وكانت عمية
شرقت الانوار والازهار
شفق احمار
تغني وتوشوش لطيار
عالخناراللي عمرُه لا صار نهار
ولاد صغار تغمز وتكحل بضمار
جهار بهار مللآ نهار على عمار
كايني شي ولا صار
لا قاز ولا رش ضرب 

نهار قحار
ولا شكري قتلو غدَّار
صباح مدكن في فورار.....

......
شمس بلادي نسَّاية
تضحّْكْهَا حكاية وغناية
ما تحمل حزن ولا بكاء
تضحك فيسع تبكي بدمعة
وفي لحظة تضوي كي الشمعة
تنسى الماضي وجراحُه 
واكدَار ايامات مرار