mercredi 28 juillet 2010

لا لا نا قُلت نتوب


شعر و غناء الباجي الصَّالحي: تالة

لا لا نا قـُلت نتوب

بركة يزي ماللي فات

باقي واثقني المكتوب

ما صبتش فرقة لبنات

***

زعمة قـُلت نتوب نصللي

يزِّي من الغُناء خير اللِّي

تعرضني بو كف محني

مشوك وفقلبي الخلجات

هو شَوَّرْ بيده زطـَّلني

ذِهبوا من بالي الرَّكعات

***

لا لا نا قـُلت نتوب

بركة يزي ماللي فات

باقي واثقني المكتوب

ما طـُقْـتـش فُرقة لبنات

***

ذهبوا من بالي و نسيت

نا نحسب روحي صلـِّيت

على الركعة لولى فَزِّيت

تراه ما زالي ثلاث أوقات

حِدِّي دبَّت نايا غميت

عقلي هزُّوه الخالات

***

لا لا نا قـُلت نتوب

بركة يزي ماللي فات

باقي واثقني المكتوب

ما صبتش فرقة لبنات

***

عقلي هزُّه الحفـَّاله

وآدَّاته يمِينة قـُبَالة

قوللِّي هأخَّيّْك في حالة

كثير ال،َّاس هَمْ قالوا مات

بعثوا فارس شوره تالة

جابوا كفني مع اللـَّحْدَات

***

لا لا نا قـُلت نتوب

بركة يزي ماللي فات

باقي واثقني المكتوب

ما صبتش فرقة لبنات

***

جابوا كفني وآنا مريض

من خدُّوجة ركبني الغيض

دَرْبَاني بوحزام عريض

اللي ملوي ستَّة ليَّات

إسم النقع عندي عزيز

منـُّه لا نرقد لا نبات

***

لا لا نا قـُلت نتوب

بركة يزي ماللي فات

باقي واثقني المكتوب

ما صبتش فرقة لبنات

***

vendredi 23 juillet 2010

عذبة أنت

أبو القاسم الشابي
عذبة أنت كالطفولة كالأحلام كاللحن كالصبح الجديد
كالسماء الضحوك كالليلة القمراء كالورد كابتسام الوليد
يالها من وداعة وجمال وشباب منعم أملود
يالها من طهارة تبعث التقديس
في مهجة الشقي العنيد
يالها من رقة تكاد يرف الورد
منها في الصخرة الجلمود
أي شيء تراك ؟ هل أنت فينيس
تهادت بين الورى من جديد
لتعيد الشباب والفرح المعسول للعالم التعيس العميد
أم ملاك الفردوس جاء إلى الأرض ليحيي روح السلام العهيد
أنت .. ما أنت رسم جميل عبقري من فن هذا الوجود
فيه ما فيه من غموض وعمق
وجمال مقدس معبود
أنت .ما أنت .. أنت فجر من السحر
تجلى لقلبي المعمود
فأراه الحياة في مونق الحسن
وجلى له خفايا الخلود
أنت روح الربيع تختال في الدنيا فتهتز رائعات الورود
تهب الحياة سكرى من العطر ويدوي الوجود بالتغريد
كلما أبصرتك عيناي تمشين
بخطو موقع كالنشيد
خفق القلب للحياة ورف الزهر
في حقل عمري المجرود
وانتشت روحي الكئيبة بالحب
وغنت كالبلبل الغريد
أنت تحيين في فؤادي ما قد
مات في أمسي السعيد الفقيد
وتشيدين في خزائب روحي
ما تلاشى في عهدي المجدود
من طموح إلى الجمال إلى الفن
إلى ذلك الفضاء البعيد
وتبثين رقة الأشواق والأحلام والشدو والهوى في نشيدي
بعد أن عانقت كآبة أيامي فؤادي وألجمت تغريدي
أنت أنشودة الأناشيد غناك
إله الغناء رب القصيد
فيك شب الشباب وشحه السحر
وشدو الهوى وعطر الوجود
وتهادت في أفق روحك أوزان الأغاني ورقة التغريد
فتمايلت في الوجود كلحن عبقري الخيال حلو النشيد
خطوات سكرانة بالأناشيد
وصوت كرجع ناي بعيد
وقوام يكاد ينطق بالألحان
في كل وقفة وقعود
أنت .. أنت الحياة في قدسها السامي وفي سحرها الشجي الفريد
أنت .. أنت الحياة في رقة الفجر
في رونق الربيع الوليد
أنت .. أنت الحياة كل أوان
في رواء من الشباب جديد
أنت .. أنت الحياة فيك وفي عينيك
آيات سحرها الممدود
أنت دنيا من الأناشيد والأحلام والسحر والخيال المديد
أنت فوق الخيال والشعر والفن
وفوق النهى وفوق الحدود
أنت قدسي ومعبدي وصباحي وربيعي ونشوتي وخلودي
يا ابنة النور إنني أنا وحدي
من رأى فيك روعك المعبود
فدعيني أعيش في ظلك العذب
وفي قرب حسنك المشهود
عيشة للجمال والفن والإلهام والطهر والسنى والسجود
عيشة الناسك البتول يناجي الرب
في نشوة الذهول الشديد
وامنحيني السلام والفرح الروحي
يا ضوء فجري المنشود
وارحميني فقد تهدمت في كون
من اليأس والظلام مشيد
أنقذيني من الأسى فلقد أمسيت
لا أستطيع حمل وجودي
في شعب الزمان والموت أمشي
تحب عبء الحياة جم القيود
وأماشي الورى وفسي كالقبر
وقلبي كالعالم المهدود
ظلمة مالها ختام وهول
شائع في سكونها الممدود
وإذا ما استخفى عبث الناس تبسمت في أسى وجمود
بسمة مرة كأني أستل
من الشوك دابلات الورود
وانفخي في مشاعري مرح الدنيا
وشدي من عزمي المجهود
وابعثي في دمي الحرارة علي
أتغنى مع المنى من جديد
وأبت الوجود أنغام قلب بلبلي مكبل بالحديد
فالصباح الجميل ينعش بالدفء
حياة المحطم المكدود
أنقذيني فقد سئمت ظلامي أنقذيني فقد مللت ركودي

آه يا زهرتي الجميلة لو تدرين
ما جد في فؤادي الموحود
في فؤادي الغريب تخلق أكوان
من السحر ذات حسن فريد
وشموس وضاءة ونجوم
تنثر النور في فضاء مديد
وربيع كأنه حلم الشاعر
في سكرة الشباب السعيد
ورياض لا تعرف الحلك الداجي
ولا ثورة الخريف العتيد
وطيور سحرية تتناغى بأناشيد حلوة التغريد
وقصور كأنها الشفق المخضوب
أو طلعة الصباح الوليد
وغيوم رقيقة تتهادى كأباديد من نثار الورود
وحياة شعرية هي عندي
صورة من حياة أهل الخلود
كل هذا يشيده سحر عينيك وإلهام حسنك المعبود
وحرام عليك أن تهدمي ما
شاده الحسن في الفؤاد العميد
وحرام عليك أن تسحقي آمال
نفس تصبو لعيش رغيد
منك ترجو سعادة لم تجدها
في حياة الورى وسحر الوجود
فالإله العظيم لا يرجم العبد
إذا كان في جلال السجود

jeudi 22 juillet 2010

كان بودِّي



كان بودِّي

نسارّك بكلام

ما بين همس و حن

و تعبير عن وجدان

و ما يصطخب في كيان

من نَوْ و من موجات

و من أرياح شلوق

في شهر أينّار

***

كان بودِّي

تكوني في احلامي ندِّي

و ما نخجل من بياض الشيب

و ما نوطـِّي من غبطة النظرات

و ما نخبِّي مالمحبة احساس

و ما نرقب عيون النَّاس

يتلفتو قدى شورنا

و يتعجبو في العشق عند مرورنا

و يتساءلو على اسرارنا

و يتهامسو و يتناقلو في اخبارنا

***

كان بودِّي

نغرس سباسب جلمة

زنبق و ورد و نسري

تعطـّر سرير منامك

و نقدّل[1] هناشر مكثر

حنة لزين أقدامك

و نجمع نجوم الليل

و بالصبر ننظمهالك

من سمح القلايد جوهر

و سخاب[2] من عنبر بلاد بعيدة

***

كان بودِّي

مِنَ مْشَاعِرِي نسدِّيلك

حولي[3] بغزل قوافي

و جدّادْ[4] قسيم عوارم

مرقوم وشمه خيلي

و نقوله يا حولي:

وقـِّي على محبوبي

نا نخاف من شمس الضحى تصهدها

و هبوب الشهيلي الحارقة تلفحها

و من نسمتك يا بحري[5] مهما حنـَّت

نغتاظ و تنفتح الأجراح

***

و تهزني لرياح

فوق السحاب الطاير

مع بسمتك

مع حيرتك

و مع الحنين الهادر

و مع اليأس اللي فيك و في

مع نور الرجا في الفجر

مع ظلمة ليالي الهجر

مع نغمة الحن في همساتك

مع هدير الخوف في جواجي

مع ساعات الصمت بيني و بينك

مع ترتيل الشعر في ما تكتب

مع احساس التعب بالوحدة

مع دكـّات الغضب تتفجر

مع كل نبضة حب في شراييني

نرتاحلك و نحس نظراتك بدفئها تغطيني

و بطيف الأمل يرجع، يرجع، من بعد العناء

من عذب العيون الساحرة يرويني

***

و في لحظة يرجع لعقلي الشاهد

نلقى العمر اتعدّى

مهما العمر اتعدى

و ليَّام مني صدّت

لا يضيع مني ودّي

و نبوحلك بأشعاري

و نسارك بأحلى معاني العشق

الحاء حياتي حيات

و الباء بالبدء مع طيفك ضوت و بدات

و مهما الموجة العاتية تتعلـّى

لا يضيع منـِّي ودِّي

أنك في يوم، في حلم، أو في علم...

تكوني أحلى ندّي


[1] أحميها من أن يدخل لها أحد

[2] عقد من مادة العنبر و المحلب سوداء اللون لها رائحة طيبة

[3] نسيج من الصوف الناعم أبيض اللون يلبسه الرجال يغطّي كامل الجسم بربطة من قطعة حريرية و الكلمة حولي مشتقّة من الحول أي العام يقال أن نسيجه يستغرق عاما كاملا

[4] هو الخيط الصوفي المستعمل لسدوة المنسج Fil de trame و صوف النسيج تسمّى القبام

[5] البحري هو ريح يهب قادما من البحر مشحونا بالرطوبة و البرودة يخفف حرارة الليلي الصيفية بالجنوب و يترقبه الناس بفارغ صبر

mardi 20 juillet 2010

عندي اصحاب كي الناس الكل


عندي اصحاب كي الناس الكل،
صحاب قعدة و اصحاب خدمة،
اصحاب حومة و اصحاب مصيد،
اصحاب عشرة و اصحاب اللي ياخذو بقعة الخو،
اللي يفكو من الغلبة و اللي عندكش عندي،
اللي من غادي لغادي و اللي من العام للعام،
و اللي من العيد للعيد و اللي من دفن لفرق،
و اللي من خلاعة لخلاعة

و اللي من Bœuf sur le toit lel Plazza

واللي من افتتاح قرطاج للختتام ال JCC ،
و اللي من فرنيساج لفرنيساج و اللي من رموقة لرموقة،
عندي اصحاب كي الناس الكل.
اللي ما نبيع فيهم و ما نشري
و اللي في قضيته يجيني بكري
و اللي بعضمتُه يقاقي يجري
و اللي كي يتفكرني من نص الليل يبات يسري
و اللي ما نخطر على باله كان كي يسمع بي ماشي للعكري،
و اللي يقولي ما نسيتكش

يَمَّا البورطابل تسرق،
و النومرو متاعي من ذهنه زلق،
و الكمبيوتر بالمايل متاعي تبلنتا حتى لين تفلق.
عندي اصحاب كي الناس الكل،
نملى بيهم يدي،
و وقت ما ينشدوني تعرف، نقول هذاكة ندي،
و اللي بيهم نوللي جدي،
و كيف واحد يقوللي تعرفش حد في ال....
قبل ما يكمل نقلو عندي