jeudi 28 août 2014

دوسيات محممة من تاريخ الدولة الحسينية: للذاكرة: من أنتم؟ النازلة التونسية(1885)





الحملة الفرنساوية على التراب التونسي في بداية عام 1881، واللي تعللت فيه الدولة الفرنساوية بالإعتداءات المتكررة متاع قبائل خمير على التراب الجزائري وهي في الواقع مناوشات ما بين وليدات من قبيلة نهد التونسية واللي تقسموا على اثنين على خاظر فرنسا ضربت شلمة من التراب التةنسي وما حبتش نردُّه....
الحاصل تونس عمرها ما استسلمت للإحتلال من خمير لمقعد للكاف للقيروان لسوسة للقلعة لصفاقس لقابس لقفصة لمطماطة لجفارة الجنوب بكلها تهزمت بقوة السلاح الجديد ومن جراء البارود المغشوش وخيانة الصادق باي اللي قعد يتفرج في هزيمة المدن والقرى وتهجير عشرات الآلاف من التوانسة للتراب الطرابلسي.
اللي بيه الفايدة تمت الحماية بمعاهدة باردو وزادت تقرطت أكثر باتفاقية المرسى، تسيبت الأفاريات الاستعمارية على طلق ذراعها في البلاد من كبانية الفسفاط في المتلوي لكبانية ماء زغوان لامتيازات التجار والسمسارة الفرنسيس على حساب الصنايع المحلية...
نزل المعصار على الأهالي اللي قعدوا بلا حامي،زواولة فقرية وأعيان ومركانتية، اللي شافوا حاكمعم عطى الماينة للفرنسيس...
نهار 6 أفريل 1885، قاموا أربعين من أعيان الحاضرة واللي تلمُّوا بيهم ما يقرب على الثلاث آلآف من الأهالي وتوجهوا لسراية المرسى باش يقدموا عريضة  تلخص مجمل التشكيات اللي عندهم ضد القرارات اللي مسّت الأملاك العامّة وقلم التوريد والتجارة المنافسة لمنتوج البلاد واسوام الجديدة في توزيع الماء. وغيرها من المسائل اللي ثقلت كاهل التوانسة من نهار اللي تمكنت الادارة الفرنساوية بزمام الدولة والبلاد.
هالحادثة ما وقفتش في حد هالمرحلة، أمَّا تطورت ووقعت مقابلة بين الأعيان وبعض الوزراء متاع الباي في زاوية سيدي محرز، ومقابلة أخرى مع العزيز بوعتور الوزير الأكبر، وتقدموا بشكاية قدَّام المحاكم ضد كبَّانية ماء زغوان وبعثوا جواب كذلك لرئيس مجلس النواب الفرنساوي.
ما زلنا في الأعوام الأولى من عهد الحماية، وكانوا هالأعيان يتصوروا اللي فرانسا باش تكون في مستوى وعودها وثمة أمكانية أنها تسمعهم ويتناقشوا معاها، أمَّا هيهات نفس الوجه المُدَّعي والكاذب هو اللي كشفت عليه فرانسا الحامية للمصالح الرأسمالية والأفاريات الاستعمارية. ثلطاش من أعيان البلاد من مجموع الأربعين وقع شطبهم من المهام والوظايف اللي يكانوا شادينها كيف سي محمد السنوسي والا الشيخ الزيتوني أحمد الورتاتاني، والا محمد الدلآجي، وكذلك أمين سوق السراجين وسوق العطارين.

lundi 18 août 2014

عصيدة بالرُّب






Published
by
admin
on Dimanche 24 février 2008

Bien que je sois cordon bleu et je maîtrise parfaitement aussi bien la cuisine tunisienne citadine ou rurales que les bon plats du terroir français, je n’irais pas jusqu’à me hasarder à créer un blog culinaire. Toutefois je vais tenter de faire connaître certaines spécialités liées aux traditions et cérémonies populaires.
Dans deux semaines nous allons célébrer le mariage de ma nièce, et dans le strict respect des us et coutumes de notre communauté, il est nécessaire de préparer deux choses incontournables, la première est la bssissas qui ne diffère guère des autres bssisas de notre pays à quelques condiments prés, c’est peut être sa consommation qui est particulière. La bssissas est le premier plat si j’ose dire qui inaugure les festivités d’un mariage douiri elle est servie le jour du Badeou ( le commencement) sous forme de tammin, un mélange de bssissas non sucrée et d’huile d’olive vierge légèrement liquide, pour y tremper les dattes deglat ou 3alig dénoyautées. Je ne m’attarderai pas là-dessus.
La deuxième préparation c’est le Rob, qu’on extrait des dattes. Le rob est la base du plat de 3ich ou 3assida que l’on prépare le lendemain de la nuit de noce (Sebah el jeloua).
Sirop épais de couleur bordeaux vif (ne pas confondre avec un st Emilion) , est obtenu à partir de la cuisson de dattes. Dans les régiond des Frachich ou Majers et le Sahel l’on prépare un rob à partir de figues de barbarie, le principe de préparation ne doit pas être éloigné,dans d'autres régions in le prépare avec des gousses de caroubier..
Jadis nos mères et grands-mères préparaient le rob à partir de variété de dattes locales dont elles faisaient un subtil mélange pour obtenir le meilleur rob. Depuis quelques décennies à Tunis, et grâce à l’amélioration du pouvoir d’achat, on prépare le rob à partir de la variété Kentichi celle qui donne le meilleur rob et qui supporte le mieux la cuisson sans s’effriter et dégager de petits résidus solides préjudiciable au sirop, ou bien la variété 3alig ces dattes longues et couleur marron sombre, le 3alig est aussi utilisé pour la farce du ma9roudh. La flambée du cours des dattes, à poussé les gens à se rabattre sur les sous produit de deglet nour des dattes en vrac de 3ème choix, le rob qui en est extrait est aussi excellent c’est le rendement qui est légèrement moindre.
Les dattes une fois dépoussiérées, sont trempées dans l’eau, dans des chaudrons en cuivre selon des proportions bien établies. Le mélange est porté à ébullition quelques instants, ensuite on fait filtrer le mélange à travers un tissu filtrant à maille très fine, et on remet les dattes à cuire de nouveau en répétant l’opération quatre fois ; tout en veillant à ce qu’il n’y est pas la moindre particule ou débris de dattes dans le liquide obtenu.
Le liquide obtenu est remis de nouveau sur le feu et porté à ébullition. Pendant des heures les femmes se relaient autour des chaudrons armées de régimes nus de dattes en guise de d’ustensile de mélange, gardant ainsi une vielle tradition qui consistait à envelopper le régime d’un cocon de laine naturelle qui servait à emprisonner toutes les particules solide et obtenir ainsi un sirop pur et onctueux. L’opération de mélange prend une nouvelle tournure à l’apparition d’El Ghoula ou l’ultime ébullition, qui se manifeste par l’apparition de bulles hyper chargées des dernières vapeurs d’eau et dégagent simultanément une mousse blanchâtre. La fin de la cuisson est reconnue par la disparition de la mousse blanche et l’apparition de la brillance du sirop ceci veut dire que le Rob est exempt de toute trace d’eau ou de vapeur d’eau, ainsi on est sûr de pouvoir le conserver sans l’apparition de moisissure ou d’acidité dans son goût.
Hier chez ma sœur c’était la cérémonie de préparation du Rob, il était prévisible qu’aujourd’hui qu’elle allait préparer l’3assida à base de farine, c’est ce qui fût.
L’3assida une fois sortie du feu est récupérée dans un plat en bois d’olivier et répartie dans de des plats creux en boulette moyenne de pâte molle et sans grumeaux – bien entendu-, chaque boulette de pâte chaude est couverte d'huile d'olive, ou de d'hen ou bien farcie de quelques noix de beurre et nappée d’une bonne louche de rob. L’3assida est consommée pratiquement brûlante aux doigts qui  font de petites bouchées vite avalées, en prenant un immense plaisir à se lécher les doigts c’est si bon je dirai presque sensuel.
L’3assida peut être préparée à partir de farine,de semoule fine (S’mid arteb) ou bien de farine d’orge (deguig che3ir) c’est celle que je préfère car elle est plus rustique est plus goûteuse.


mardi 12 août 2014

هي موضوع الحكاية … هدية للعوارم سيدات الزنود الصوارم









هي موضوع الحكاية
و هي محور الشعر و الغناية
و هي في أغلب الأحيان الشرارة،
اللي تخلـِّي الغناية
تتنقل من دشرة لدشرة،
و من دوار لدوار كما محرقة في حصيدة
تلالي
بالصوت العالي
بين البيوت و النزالي
يشرقع صوتها و يجاوبو الصدى،
و من وراء الصدى
تتهز معاليق الروح.
و تشق الغنايا الوديان والجبال و الخنق
تمشي مع مراحيل الحصادة
و نجوع الهطاية
ساعات تقول:
لا من يجينا
مريض دلالة
قولو لحمة رحل بالسلامة
و مرات أخرى تهز:
يا ولفتي
وحش السرى و برودة
يا من عزم شرّف على قمودة
هي من وراء السداية
تمرق في خيوط الطعمة،
تدق بالخلالة و تزن:
ياعيني نوحي
و يا خلالة رنـِّي،
خِلالة رنـِّي لبلاد بعيدة
و الوحش قتلني
هي على رحَاتها فوق النطع توزن بدورة الرحى،
و قرجومتها مليانة
بملالية ميساوية و الا غيلانية .
هي اللي كانت تملى ذاكرتنا و احنا صغار،
بترنيمات و أشعار
تعمر الحوش و الدار،
هي اللي تتسمع من البرمقلي والبراكن
وفوق السطوحات والتراكن
وفي وسط الدار والسقايف
ما بين مخادد الشبكة والقراقف
وقت اللي الدليل يريح ويبدى تالف
و الرجال على غفلة
يخطفوا ترنيمة والا قفلة
يسرح خيالهم على مادار وجوقة وحفله
وقتها في لحظة، القلب يحصل في الشرك
وغادي الوحلة
ساعتها...يقطعو النفس
ويبيتوا الحس،
ويسرّحوا العسس
ويولليوا إنس من خيار الإنس،
و يعملو أرواحهم شيء ما سمعوا
ولا حلّوا الباب ولا فزعوا،
باش تطوال الغنَّاية،
وتحلى الحكاية
وتتجبد المرايا
وتتلم الصبايا
ويعاودوا الأبيات والمذهب بألف رواية ورواية
بما فيها من كلام العشق الكاوي
والغيبة والهجران اللي صاغها الشاعر والراوي
والوصف اللي يهز عروش القلب
هي أصوات نساء من بلادي.

vendredi 8 août 2014

كيف ما ثمّه سايس بيكو السياسة ثمة سايس بيكو الكيان والذَّات: الموسيقى مثال...




كي الواحد يستجمع ذاكرته ويحاول ينتبه للمسيرة الموسيقية متاع الشعوب الآخرى سواء اللي من العالم الغربي من أوروبا والقارة الامريكانية من شمالها لجنوبها لجزء كبير من أسيا الشمالية اللي كانت تحت التأثير السوفياتي والا عند الشعوب الآسياوية المتجذرين في ثقافاتهم العريقة كيف الجوبنة والشناوة والهنود وبقية الفيات والتاي والخمير (ملاحظة مهمة هاذم يكونوا أكثر من شطر البشرية) هذا بالمقارنة بالحالة اللي ما نحبش نعطيلها وصف، متاع موسيقات المعربا والأفريقا والشيء الملفت للإنتباه هو توافق تردي الأوضاع البشرية والاقتصادية مع تردي الآوضاع الثقافية (المقصود بيه الإبداع الموسيقي) والعكس بلعكس في أغلب الحالات إلا بعض الاساثناءات الضئيلة للغاية.
المسالة المحيرة للمخ هو أننا نلقاوا ارواحنا المعربا في ما يسمى بمجموعة  متشابهة من ناحية التعاسة، وأغلب اللي يتفقهجوا علينا في النقد والا في وسائل الإعلام يعبروا على هالمجموعة بالعربية، نفس الخرافة متاع الهوية، كيف ما هو الحال في مدارس ومعاهد الموسيقى، متاع بلدان المغرب مثلا يقريوا أصول الموسيقى الشرقية ومقاماتها في منزلة أرفع من منزلة الموسيقات المحلية التونسية والمغاربية، في وقت اللي ما يعلموهمش الموسيقات الافريقية والا اليابانية والا الغريغورية والا متاع الإسكيمو.... برة إفهم علاش؟؟؟
في وقت اللي في دمشق والا بغداد والا الرياض والا القاهرة ما يقريوهمش لا النكريز ولا رمل المايه ولا مزموم ولا نوى ولا غريبة الحسين ولا الزيدان متاع جيراننا ....
برة زيد افهم حاجة أخرة؟؟؟؟؟
يا ما ورَّاني في الخرطوم والا نواقشوط فاش يقريو فيهم زعما الحسيني كَرْرْرْرْرْ......
الحاصل الفوضى العارمة في الدين والمذاهب والملل والنحل هي نفس الفوضى العارمة في الموسيقى والغناء ولأذواق والسطو من هنا ومن غادي على ما تيسر من موسيقات الأجوار القراب والا البعاد.....
بعد ما وحلوا العرب في ما حفظوه من الحاجات اللي كان عندها الحظ باش تتطبع للفونوغراف وتتبث عبر الأثير، باهية والا خايبة موش هذا محل الشاهد، وبعد ما فشل مشروع سايس بيكو الموسيقي متاع ولد البنكاجي ديرلانجير وصار الدوام لله، كل ملة موسيقية أعلنت فضاء سلطتها وحدود هيمنتها واللي حج حج واللي عوق عوق.
الكارثة الكبرى أنه في هالعملية السايسبيكوتية الموسيقية ضاع مخزون كبير من الذاكرات المحلية  بجُمَلها وآلاتها وإيقاعاتها وأشعارها. وديما راس الفرطاس قريب لربي... غناء الزواولة واللي ما عنهمش والي واللي بعاد على مواقع السلطة والنفوذ ياكلوها في أجنابهم... وما يبقالهم كان اللي حافظوا عليه بالنغرة والحماس وبالجهيد....
وللحديث بقية