في غياب الخطاب التراجيدي: الجزء الثاني لا كاريسما ولا هم يحزنون.... أو اللي يحبو ياكلو القسطل بيدين القطوسة

يوم 14 جانفي2011 من الحداش للثلاثة بعد تصف النهار...

ترَجِّتْ الأشجار و عشوش الأطيار و شبابك البلار....

ورعشت عرص البيطون الغارقة في الصرب الأشخم اللي يموج تحت تونس البية...

وهفتت الارياح اللي جاية من رابع الاركان: خلوة بالحسن الشاذلي، قبة أحمد بن عروس، خلوة أحمد الشريف وعلوة سيدي أحمد عمَّار...

لا في الحال زيادة نموت نموت ويحيا الوطن.... في قراجم التوانسة تعطي للموت نكهة من نوع أخر تشبه لهاك المشنقة في جماعة خلاعة في لغة الزبراطة والتكارلية

هو أحلى كيف يحيا الوطن واحنا معاه أمَّا بلاش الصرب اللي على كل لون واللي يطفح على وجه تونس لين وللَّى قدرها ما يجيش في قدر قهرمانة قديدة تنضف في بيوت بنات سيدي عبدالله قش مقابل دنُّوس و سيقارو كريستال وحق التكسي لنهار اللي باش تمشي تعمل الشيميو باش ينزاد في حياتها أيامات تعارك الهم الأزرق اللي جاها في عشها.....

نهار اربعطاش من ينَّار آخر ليلة في الليالي البيض، أمَّا رزنامة التراجيديا ما حبت كان تقلب الفصول على كيفها...

رزنامة التراجيديا ورزنامة الفلاح الروماني ماغون اللي ورثها لاولاده واولاد أولاده تقابلو مع بعضهم في آخر ليلة من الليالي البيض و بشرو بدخول الليالي السود اللي فيهم يتفتق كل عود....

عود التوانسة قعد نايم طول مدة الليالي البيض...ليالي داموا 55 عام... نهار 14 جانفي آخر نهار في الليالي البيض وليالي السيمان والبيطون اللي اتصب على قلوبنا وجواجينا.

ركح نهار 14 يستنى عنده أيامات في اصحاب الدوار اللي باش يحتلوه....

الليلة اللي قبلها والليلي اللي من قبل زادة تعلم الواحد يحكي وحده، آنا بطبيعتي راسي راس المكينة نتقاسم فيها مع بنتي:" شفت الفيديو اللي هبطت على الحي؟ ريت الاخرى اللي في قصر سعيد؟...

قربنا من بعضنا أكثر... ربما ما كنتش الزوج المثالي في حياتي وربما ما كنتش البو الكامل وأغلب الضن ما كنتش مناضل من القماش المتداول ما كان عندي حساب كان بيني وبين ضميري واللي كان يهمني هو أنه كل صباح كيف نبدا راس راس أنا وفيقورتي قدام المرايا متاع بيت البانو ما يجسنيش غرض الردان ترسيلي مركب إسوي قلاص باش نمسح البزاق كل مرة نبدا نحجم....

ومن جهة اخرى حتى الدنيا ما قصرتش معايا من ضرب الكلاط اللي في جنابي وجواجي و عشيرات العمر وبالتالي كيف الواحد منع بجلده وخاصة بطاسة مخُّو وما ولاش ألكوليك والا مضبع يتسمى سلكها وفوق هذا ودونه لا عندي مشاريع لا متاع منا ولا منا واسلام بالعافية قال البوليس متاع مسرحية فاميليا.

الليلة اللي قبلها ولا ما عاد بيها وين البنية تفركح كي شيطان الدبوزة ماللي خرج خبر الاضراب العام والمسيرة في الافينو وخصوصي بعد ما خرج علينا الحيوان بن علي لأول مرة بلوغته الحقانية متاع الخطاب بودورو بدارجة ما جاتش حتى بزوز صوردي. 23 سنة يستعمل في العربية يخدع فينا، بان بالكاشف اللي العربية في فمو ما هي كان كيف هاك السبحة في يدِّين الطحَّان.... التوانسة وأمثالهم لا خلات لا شاردة ولا واردة وما عملتلهاش تصويرة ومشهد يُغْني على ميات تعليق.

الطحين من أشنع الشنائم في خيالنا الشعبي والسيد العبقرية اللي قالو كان مستشار رافاران و كرزة متاع كومونيكاسيون في بانكة روتشيلد طلع ما عندو حتى غرام ثقافة في الأمثال العامية و لا عمرو سمع بالزازية الهلالية ولا بطريق متاع غنَّاية ولا محل شاهد و من باب أولى وأحرى عمره لا قرى قصيدة عبد الرحمان الكافي متاع "الصبر لله والرجوع لربي"... لوكان عنده دراية بها الحاجات عمرو ما ينصحو يتكلم كيف ما تكلم ليلتها واللي كانت عبارة على أنه جاء قدام الكامرا ونحى سرواله ودارلنا بترمته بكل ما فيه من مساوئ وكعال وشلافط وأشياء كريهة.... وما اشنع من هاك المشهد هو مشهد الأربعة جرابع متاع زاوية سيدي الحباري اللي خرجو بعد الخطاب في بالهم باش نرجعو كيف ما كنا قبل الزيادات.... آش جاب وآش جاب هاذيكة كاريزما باربعة كلمات متاع بورقيبة عنده أربعة دفائق وعي في النهار و هاذيكة تخرخيكة سروال على الهواء....

-" غدوة نهبطو لساحة محمد علي؟"

قالتهالي في قالب سؤال متاع عندكش عندي أمَّا الصحيح هو قرار ما فيهش رجوع... قلتلها:

- "نمشيو أمَّا راهو ممكن نموتو، نتجرحو والا تجرى فينا سبة"

- "نمشيو ما يهمش كيف التوانسة الكل ما ناش خير منهم"

- "نحضروا الخل على ما ياتي لللاكريموجان ونمشيو على بكري التسعة يلزمنا نكونوا في ساحة محمد علي...

ما عندنا ما رقدنا الليل وما طال الليل والعينين منقوبة في الفايسبوك العظيم اللي شغل الناس وملأ الدنيا دفاء وحنانة وونس وبرشة من الهلواس بعد ما كان عبارة على زنقة عنقني وتبزنيس على ولاد وبنات الناس

بنت طراد: في باب بحر

بنت طراد: في باب بحر: و نتفكّر قدّام الشبّاك هاربة نجري ضاربني الغاز : صينيّة البقلاوة و الكوّاش يغنّي ليلة كاملة "ياحلاوة" و الشيشة الي تكسّرت بعد عزيزي تبقبق و دموعي مالغاز و لاّ مالشَوية ترقرق ...اصوات !! عياط !! صياط لا ماطراك !! الحاكم اتاك !!! و نتفكّر الجارة اليهودية صاحبة ممّاتي و رفيقتها في الثنية ... عزوزة عكس ممّاتي لا ريتها نهار منبوزة مصقّعة مرقّعة حمّيرها احمر بوڨرعون ... زعمة الّي يضرب فيّا و لاّ في اجدادي يخون ؟؟..."

POUR UN LARGE FRONT UNI DE SALUT PUBLIC

La gestion "bourguibiste" des affaires du pays par le nouveau Premier ministre provisoire, les révélations divulguées par l'ancien ministre de l'Intérieur Rajhi - un personnage aux motivations pour le moins ambigües -, l'extrême brutalité de la répression des mouvements de contestation ces derniers temps - tous ces éléments, et d'autres, devraient faire réfléchir les Tunisiens. Ces faits devraient rappeler à ceux qui l'avaient oublié que le système Ben Ali, malgré la fuite honteuse du dictateur, est toujours en place, toujours actif et malfaisant.

C'est l'unité du peuple qui a rendu possible la victoire du 14-Janvier. Pour préserver ce premier succès et le transformer en accomplissement irréversible, le peuple tunisien doit non seulement maintenir, mais renforcer son unité et la traduire en termes politiques concrets. Or ce n'est pas le spectacle que nous ont donnés à voir les structures partisanes ces dernières semaines, mais plutôt celui de la division et de l'exclusion. Certes, des coalitions ont été mises en place, ici et là, mais elles ne concernent que des secteurs particuliers de la scène politique, sans englober l'ensemble des formations désireuses de tourner définitivement la page de l'ancien régime.

C'est la raison pour laquelle nous appelons à la constitution, dans les plus brefs délais, d'un large Front Uni de Salut National. Ce front doit être soutenu par les principales composantes de la société civile et englober l'éventail le plus large de forces politiques - de l'extrême-gauche légaliste jusqu'à la droite libérale, en passant par les différentes formations centristes, dont les islamistes d'En-Nahdha. Le front devra également coordonner son action avec les Comités populaires locaux de défense de la révolution, parce qu'ils réunissent les forces vives de la jeunesse, et parce que les nervis du RCD ont repris du service et qu'il se pose de nouveau un problème de sauvegarde des biens et des personnes.

Il faut que tout le monde comprenne un point essentiel, les militants comme les responsables des partis. La nature du combat actuel est d'abord politique, elle n'est pas d'abord idéologique. Ce combat politique vise la conquête du pouvoir d'Etat. Dans un tel combat, il ne faut pas se tromper d'ennemi. L'ennemi principal n'est ni l'islamiste ni le laïque. L'ennemi principal, c'est le système maffieux que nous a laissé Ben Ali en héritage. Ce système dispose d'hommes, de structures, d'alliances extérieures et de moyens financiers considérables. Et ceux qui le dirigent, qu'ils soient dans le gouvernement ou au dehors, ne reculeront devant rien pour protéger leurs intérêts et tenter de faire avorter la révolution. Nous n'avons aucune chance de l'abattre si nous l'attaquons en rangs dispersés - et encore moins si nous consacrons l'essentiel de nos forces à nous disputer les uns les autres.

L'unité est nécessaire aujourd'hui ; elle sera encore plus nécessaire en prévision des élections du 24 juillet. D'ores et déjà, nous savons que les anciens RCD vont participer à la campagne, sous des étiquettes différentes. Si nous mêmes y allions de manière éparpillée, la conséquence mathématique sera de leur concéder plus de sièges dans le nouveau parlement. D'autre part, toujours si nous y allions séparés, certains courants passeront, d'autres ne passeront pas ou seront très minoritaires. Nous aurons ainsi des vainqueurs et des vaincus. Pareil scénario serait catastrophique pour le pays. La nouvelle constitution qu'élaborera l'assemblée élue ne sera pas le fruit d'un accord conclu entre tous les courants ayant intérêt à la révolution, mais le résultat d'un arrangement imposé par des parties aux dépens d'autres parties. Cela installera la population dans des clivages qui épuiseront son énergie pour longtemps.

Si nous voulons que la constituante soit perçue comme légitime par la majorité du peuple, si nous voulons que la prochaine constitution jouisse du soutien du plus grand nombre, si nous voulons qu'elle fasse véritablement l'objet d'un consensus général, il est indispensable qu'il n'y ait pas de vaincus parmi nous, il est essentiel que nous sortions tous vainqueurs de l'épreuve et que seul le RCD soit battu. Si l'on admet qu'un tel objectif est souhaitable, il est impératif d'aller unis aux élections. C'est-à-dire de se présenter sur des listes communes, discutées et négociées par avance, sur une base raisonnable qui rejette toute exclusive. De la sorte, la compétition électorale aura lieu avec la participation de tous les partisans de la révolution, ligués contre leurs vrais ennemis. Et la constitution qui en sortira sera notre bien commun, le produit de notre travail collectif, et non pas le rejeton difforme d'un mariage contre nature.

Cette constitution établira le cadre de fonctionnement de notre prochaine démocratie. Il sera alors possible d'aller aux batailles électorales suivantes chacun sous son drapeau, sans trahir les espérances populaires qui ne peuvent se concrétiser aujourd'hui que par notre unité.


Aziz Krichen
09 mai 2011

في غياب الخطاب التراجيدي. الجزء الأول من خطاب الثورة لثورة الخطاب

باريك يا لنسان من الشيء اللي ما اطيقه

واللي حواليه كتَّان باطل يخش الحريقة

العرف أحمد بن موسى

ركح السياسة ما يبعدش على ركح التراجيديا الانساني، سواء كان يوناني والا يباني والا هنداوي والا ميعاد الأجداد عند العرب كيف يتلم على محلات الشواهد والا سرد بطولات الحكايات الخرافية من الزازية لذات الهمة لسيف بن ذي يزن والا علي ولد السلطان.

وفي الحقيقة كيف الواحد يتمعن في الموضوع يكتشف اللي ركح التراجيديا والا حلقة الميعاد والا شجرة الباوباب الافريقية ما هي كان تصوير لركح السياسة والعركة على السلطة والجاه يتحولو فيه المتناحرين كل واحد حسب طينته وطبيعته: العظيم يزيد عظمة والحقير يغرق في اسفل السافلين والكريم ينزاد هيبة ومفخرة....ء

من نهار 17 ديسمبر 2010، انتصب ركح أحداث تراجيدية الثورة التونسية، كيف ما في كل تراجيديا، في الغالب الأمور تبداء بحاجات ما عندها حتى معنى بالمفهوم التاريخي، يحب يقول حاجات ما عندهاش القدرة لا من اسبابها ومسبباتها ولا من البروتاغونيست ماعها باش لا طاح لا دزُّوه من الباب للطاق تزلزل الدنيا وتقلبها سافيها على عاليها. الحاجة الوحيدة اللي ولدها هي كيفاش ينسى الفرد روحُه وينصهر في الكُل ويتحول من شتات متاع أفراد ما بينهم حتى رابط، باش يوللي لقشة لمكون واحد، يتنفس على فرد وتيرة هو واللي بجنبه، ولد حومته والا دشرته والا عرشه، وبدا الكل يكبر كل يوم أكثر والحلق تستاسع و تتقاطع مع حلق بجنبها... محرقة في حصيدة صايفة شايحة عندها سنين وسنين تستنى في قدحة الصوان اللي باش تسرج فيها وتحولها لنار دافية في قلب دوجمبر الأصم تقرب الناس لبعضها باش يتقاسمو الاحساس بالذلة والمهانة ويعوضوها بصيحة تقيم رقود الجبانة اللي مدفونة في قلوبنا، تتعلى الصيحة و تهجج الخوف اللي عشش في القلوب والجواجي وتحل عقد اللسان اللي استانس باالبكمة والبكشة والخرس والتلعثيمة.....ء

كيف ما يقول الهادي قلة في غتايتُه "أكرم المعادن":ء

وكان ركبت الحمى

والهم والملمَّة

واللي ثمَّة من أخيار الناس

يذوب النحاس

يسيل واد محبة

يخللي في طريقُه الحصالة أكداس

يسقي حروف الكلام المشتت

يضوِّي الثنايا ويحيي الانفاس

تلم حروف الكلام المشتت وتسرحت الأفام، وطلعت الشعارات متحدية الخوف وتستأصل فيه من الذات كل يوم تكبر أكثر:

يا مواطن يا ضحية .. اخرج شارك في القضية

قاز، كرتوش .. التوانسة ما يخافوش

وكيف طاحت الضحايا ألأولى واترفع الخوف من الموت وبدات الشبيبة تعرض في صدورها لبطش البوليس

"أوفياء أوفياء، لدماء الشهداء"،

"الشهيد الشهيد، على المبادئ لا نحيد".

واكتشفت الناس بالبينة شكون عدوهم

"يا نظام يا جبان، شعب تونس لا يهان"

يا …. يا عميل .. ماكش راجل و استقيل

يا …. يا حثالة .. هاي جاتك الرجالة

يا …. يا خفاش .. أصلك سارق ما تسواش

يسقط حزب الدستور .. يسقط جلاد الشعب

Haut du formulaire

تونس تونس حرة حرة .. و التجمع على برة

وتوجهت صوابع الاتهام لراس الافعى اللي تمص في دم تونس واولادها

التشغيل استحقاق، يا عصابة السراق

محاكمة شعبية .. لعصابة الطرابلسية

لا رئاسة و لا شعب .. برلمان منتخب

وولى المطلب براس العصابة

"تونس حرة حرة، بن علي على برَّه"

"خبز وماء، وبن علي لا"،

Bas du formulaire

Bas du formulaire

Haut du formulaire

بن علي يا جبان .. الشعب التونسي لا يهان

الخبزة بخمسة ميا والحجامة لا

ووصل الشارع والشعب لقمة الابداع بشعار في بحر المتقارب على نفس ميزان إذا الشعب يوما أراد الحياة وقال

الشعب يريد اسقاط النظام

واللي اختزله في عبقرية انفتاحه على اللغة اللي كانت له قبل لغة المستعمر و فكها كغنيمة حرب وعيّط بقوة صوته:

!DÉGAGE

يتبع