الڤلب مالغبن ملزوز
والحلڨ غأبت انغامه
لا عادلي ڤول محزوز
وللصمت نرد السلامه
مجروح دندنت البلوز
وناديت بالصوت النداما
***
ليام من طبعها الكز
بعد الهناء تعطي جفاهم
ما يغرّك من الدّهر عز
و لاصحاب تبدّل هواهم
موجوع هزِّيت البلوز
ما يدوم منهم صفاهم
***
ضاع الغلآء من اللـّز
ضاعوا رجال الوكايد
ذكير هالزّمان عاد خز
عدِّيت عمري وعايد
شرڤعت بالصوت البلوز
ما فات من الدهر بايد
Aucun commentaire:
Enregistrer un commentaire