jeudi 18 octobre 2018

نحبّك وما نحبّش القلب يحبّك


ما نحبش القلب يحبك
مهما يدُق يحِن يرِفْ
نخاف عليه يتيه ف'دربك
لا يعرف يرجع لا يعف.
***
ما نحبش نحصل في عيونك
في النظرة والبسمة الكوَّايه
في نغمة النبرة في صوتك 
نخاف نحصل يا كبر شقايا
**ا**
ما نحبّش حلمه تسكّرني
تخدّرني نجنّح ونطير
خيالك قدّ الزانة غمرني
تغيب عليَّ الذهن يحير 
**ا**
ما نحبَّش، ما عيني ف' حُبْ
خطوات بجنبك تكفيني
خطاوي رقصة تهز القلب
وحنانة صوتك ترويني
**ا**

 

Aucun commentaire: