رقي صيت من عمره تعدى سايب
استغفرت تصريف الزمان عجايب
***
من كان جده ضاري
وبباه بتي اليوم ليه الواري
رقت موجته فوق الشقف والصاري
وعاد السمع للوذن كان غرايب
ريت البهيمة راكبة عكاري
عل ظهر ضبعه منادية بالغايب
***
الداب كاتب حجة
منه الضبوعه هاربة تتلجى
والكبش ريته شد ذيب وقنجه
وجايب اولاده مكتفين غصايب
البدعه الكبيرة الفار رامي سرجه
وراكب على قطوس شارف شايب
***
الباف حاز الزمله
بدا يغور عل جند العقبة جملة
والباز يرمي للدجاج ويملا
والذيب صلى عاد يذكر تايب
والملح عملو مقطعه في الرملة
والشط ولى غدير ماه عذايب
***
الثوم عطره زايد
زهر البصل من قبل ليه شوايد
والورد طايح ما عليه نشايد
الابراج خليوا والفنون زرايب
اهل الوفا ولوا غرم وصرايد
والارماز شاخوا لابسين جبايب
***
الايام عادت مرة
كثر عكسها والقلب طاح تهرى
عاد الرطب اغلى ثمن من الحرة
علوه فرفت زاز كل سحايب
ذيول الضواري نورت تتغرى
والورد طايح ما عليه طلايب
***
الصيد ماله ذكرى
جلا فد جلاه البقر من وكره
ولد الحباري عاد يسري بكره
يصطاد في ولد الغزال جلايب
تكوفخت كوفخني العوج والقهره
وهثرمت من عكس الزمان الخايب
رقي صيت من عمره تعدى سايب
استغفرت تصريف الزمان عجايب
***
من كان جده ضاري
وبباه بتي اليوم ليه الواري
رقت موجته فوق الشقف والصاري
وعاد السمع للوذن كان غرايب
ريت البهيمة راكبة عكاري
عل ظهر ضبعه منادية بالغايب
***
الداب كاتب حجة
منه الضبوعه هاربة تتلجى
والكبش ريته شد ذيب وقنجه
وجايب اولاده مكتفين غصايب
البدعه الكبيرة الفار رامي سرجه
وراكب على قطوس شارف شايب
***
الباف حاز الزمله
بدا يغور عل جند العقبة جملة
والباز يرمي للدجاج ويملا
والذيب صلى عاد يذكر تايب
والملح عملو مقطعه في الرملة
والشط ولى غدير ماه عذايب
***
الثوم عطره زايد
زهر البصل من قبل ليه شوايد
والورد طايح ما عليه نشايد
الابراج خليوا والفنون زرايب
اهل الوفا ولوا غرم وصرايد
والارماز شاخوا لابسين جبايب
***
الايام عادت مرة
كثر عكسها والقلب طاح تهرى
عاد الرطب اغلى ثمن من الحرة
علوه فرفت زاز كل سحايب
ذيول الضواري نورت تتغرى
والورد طايح ما عليه طلايب
***
الصيد ماله ذكرى
جلا فد جلاه البقر من وكره
ولد الحباري عاد يسري بكره
يصطاد في ولد الغزال جلايب
تكوفخت كوفخني العوج والقهره
وهثرمت من عكس الزمان الخايب
