للي جاي يتعلم في الزلق في دار الصابون....

Une personne a récemment demandé à réinitialiser votre mot de passe Facebook.
Cliquez ici pour changer votre mot de passe
-----------------------------------------------.
قسيم مغراوي

دهماك جاني يهڨ في عڨاب الليل

لاهو طالب صحبة لا مودة لا رجاء

ناوي يخنب حوشي لانه حيطه جميل

حب يهرب بيه في غاسڨ الدجى

ڨعد يفارع زڨطي لين حار في الدليل

لا عرف ثنية لحروفي المُغنجا

نڨول له يا غافل طحت على ﭬديل

صعيب عليك ولوجه تستاهل الهجاء

كلاب العسّة دونك يڨطعوا السبيل

حرمتي يا ﭬهدي فابراج مدرجا 

لا يوصلها حصرم مثلك يا هميل 

رجعت خايب خاسر تراميك مبرّجََا

يتكبَّر النذل

مسدسة

يتكبَّر النذل اذا شبع

ينسى الطمع

ما راش كي كان خايب طبع

***

يتكبَّر النذل اذا اكتسب

بعد الجدب

تغويه نفسو تزيدو عجب

ينزل مع الناس اذا غلب

قصير الذراع

يفرح اذا وجد خمسة ارباع

***

يتكبَّر النذل اذا كان حصّلْ

يوللي مِيَصّل

ما راش كيف كان مانك المفصل

النذل محال لا كان يُحصُل

نهار الفزع

محال لا تصيب منُّو رَد القلع

***

يتكبَّر الندل اذا ترَقَّى

من بعد "حقَّه"

ما راش روحُو كيف كان مثيل بقَّه

 الكذب للرمز راهو مشقَّة

زعفق طلع

عمرو كما عمر جدر الفرع

***

يتكبَّر النذل اذا كان حاز

بعد الكزاز

تغويه نفسُو تزيدو عزاز

الكِبر ما يجي كان للرّماز

يحبُّو الصّدع

يتفكرأيامُه في وقت جاع

***

يتكبَّر النذل لا كان لَمْ

ينسى الهَمِ

ما راش كي كان صاحب زممْ

رسِّيت تاقفة وجبت فيها الفحم

يا من سمع

عميان ويسهرو عالشمَع

***

يتكبَّر النذل اذا ترقب

ويعود يكذب

ما راش كيف كان عريان يطلب

واليوم مالنَّاس الاعيان يِنْسِب

والآ شبَعْ؟

مُحال يجيك منُّو النّفعْ

***

يتكبَّر النذل اذا تشَبَّع

والا استشبعْ

ما راش كيف كان عريان يفجع

الحاج علي بن فاطمة في القول يطبَعْ

صحّحْ طبَعْ

أديب والشعر ليلو انطاع.