******
يتجَلـَّى الغيم يا خضراء وما ننسوا
ماذا من ضيم قدَّاش تحملنا
ترجع ليام وتزهى يا حنَّه
ولازم تُسڨام وبالملقى ونتهنَّا
***
تتجَلـَّى الغيوم وتتقَشَّع الأكدار
ونتفكـَّر قدَّاش صبرنا يا بلادي
تشرق شمس بنور والدنيا تخضار
ولازم بعد العسر يغني الطير الشادي
***
تتجلـَّى الهموم وتتعدَّى الأحزان
وما ننسى قدَّاش تجرعنا الأهوال
يتبسّم برق الخير في عالي الأمزان
ويجينا ربيع جديد وتتبدل الأحوال
***
تتجلـَّى الغيوم ونعودوا لاباس
فصل الشِدَّه يزول عمرنا ما نهونوك
تزهالك ليام ونقيموا الآعراس
رجالك وذراريك ونسوانك يحموك
Aucun commentaire:
Enregistrer un commentaire