بعد ان زهو ليام غرُّو بي: بوبكر بن غرسالله( شُهِرَ بن قطنَّش)ء

بن قطنش (1892-1967)ه
قصيد قاله في فراره من طرابلس إلى تونس
بعد ان زهوا ليام غرُّوا بي
لبست الطويل ودرت حزَّامية
***
الايام بي خلـُّوا
علي قبلوا لتالي مشوا ما ولـّوا
الايام لوطا ينزلوا ويعلـُّوا
الايام زي الكارطة وجوهية
ساعات لنهن فاتحات يحلـٌُّوا
وساعات لنهن غالقات الضية
***
في تهمة الطليانــــي
اسَّقدت ما راعيت رزق الفاني
خلِيت ولدي وعشتي وحصاني
وهربت عقب الليل في سورية
تعرَّضت للبابور وتلقَّاني
نجري املـِّجة كـُرعية
***
في طرابلس طلبونــــي
نحساب وسط الكرهبة يهزوني
الطليان في ثبِّتوا وتهموني
تايركـِّبولي عقد بوليسية
لوكان ما هربت الكلاب خذوني
لي وقت راهو الدود ياكل فيَّ
***
منين كنت في الفلاقــــة
منين كنت فوق الازرق معاي رفاقه
منين كنت نقدع في الغدايد جاقه
على عاتقي مسكوف عصملِّيه
واليوم فرغت من يدَي الباقه
نمشي كما مهبول في سورية
***
منين كان بي يديِّــــر
أزرق عريض يصهل صهيله يحيِّر
عليه سرج من سوق الربع مخيِّر
وحزام بالكرطوش لايذ بيَّ
سداس ركبتَه ترد الكبير صغيِّر
تنقـِّيه شيبه وتخلفَه سوودية
***
كانوا معـــــايا ذراري
الشيخ سوف عقده راكبين جراري
فراسين على لكة العرض اتداري
أولاد كيف، رجله وجود فنطازية
عناتيت وقت يكَثَّح الغبـَّـاري
أولاد شنب كل واحد عباره ميَّه