عم خميس (المولدي زليلة)ء
يرحمك يا عم خميس،غبت علينا بعد ما أديت واجبك لأخر رمق بالكلمة وبالصورة والكاريكاتور أبياتك واشعارك قعدو للتاريخ وللذاكرة وللي يحب يعتبر.
يرحمك يا دوعاجي و يا بيرم و عبدالرحمان يا كافي...
يرحمك يا محمد الصغير الساسي،
يرحمك يا عبادة السعيدي،
يرحمك يالفيتوري تليش،
،يرحمك يا الهادي بن سليمان
يرحمك يا الحبيب عبداللطيف،
يرحمك يا منصور الهوش
يرحمك يا علي بن عبدالله القصري و يا يا .....
قدَّاش باش نسمي و نعد....
تاريخ بلادنا و ما عاناته من محن و صراعات مريرة ضد القهر والظلم والاستعمار والاستغلال، ديمة حافل بصوت الشعراء اللي تهزهم الحمية على الوطن وأهله و شعبه من الموضامين.
عدد كبير من شعراء اليوم (من غير ما نذكر الأسماء و همة يعرفوا أرواحهم) تشهرو بقصايدهم القومية سواء على فلسطين والا على محنة العراق، ثمة شعراء اللي هومة في قلب هالمحنة متاع سيدي بوزيد وسهل قمودة....
الشاعر اللي يبدى خارج محن البلاد وأدراكها و جراحاتها ما عنده حتى قيمة من وجهة نظر الشعب
يبدو لي كان حكمي غالط شوية بخصوص الشعر والشعراء بعد ما عوينات الحق بانوا، يضهرلي الشعر والشعراء وللاو متاع مسابقات ومهرجانات وجوائز والتحقوا بجحافل الثقفوت المتكسبين من مختلف الصناديق
شعراء وطني ما بكم خجل؟
Aucun commentaire:
Enregistrer un commentaire