samedi 22 janvier 2011

هبت نسايم طيفها


1

هبت نسايم طيفها

في فجر من فورار

و العود مني و من يابس الزيتون اخضار

تڨشع ضباب اليأس

من بعد همس الهمس

كما طير شور مايح ڨدا الاوكار

ناسي هموم رحيل ليه دهور

واتاه ريح رفيڨ

رافع رڨيڨ جوانحه

فوڨ السحاب الفوڨ

مالي فراغ جوارحه

عطف و حنان و شوڨ

مهما السفر يطوال

و مهما العناء شڨّاه

صرفڨ صفڨ بجناح

شرڨع صدى بالصوت

"سكب سال دمع الميام حدايف

و عڨلي مرايف

و نالليل ما نرڨده نا مالزنايف"

2

نا مهجتي ماحت ردايد زولها

ناشد على مرسولها

و الڨلب كامي ما ڨدر يڨولها

كلمات في معنتها

شاعر فصيح نصح في سدوتها

و رغم العڨل رجيح

و الشّـَعر مني ابياض

و الشِّعر لي احلى بعد أن راض

تلعثمت ما اتكلمت

و ضاعت الكلمات بالمڨصود

"سكب سال دمع الميام حدايف

و عڨلي مرايف

و نالليل ما نرڨده مالزنايف"

3

جتني نسايم طيفها

ردت ربيع أيام ليها زمان

عاڨر نست الحمل و المولود

شاحب ما اتعودت بالخصب

هزع ڨدها يزيان

و الغصن منها فرّع

نوارها تكاميم في الأخمال

ڨلموز في زند الوليفة فتَّح

و تْبسّمَتْ كي الفجر

مالبِعد بان بريڨ

خلف محاور وسم في الاعلاڨ

و تـْكَلّـمتْ بالبشر

إسْتَبْشِرْت منها بغيث

أول بدو رشراش في الامزان

كتِّيت بالآهات

و طوالعي هزيتها بتبيان:

"سكب سال دمع الميام حدايف

و عڨلي مرايف

و نالليل ما نرڨده مالزنايف"

يا لندرى يبراش

جرح المحبة خايف

جاء مسكنه في الجاش

Aucun commentaire: